Echojounal echojounal.net
Related Articles
Ministè anviwònman (MdE) ansanm ak Ministè Travay Piblik, Transpò ak Kominikasyon (MTPTC) pran desizyon pou lonje pou 15 jou anplis entèdiksyon ki te genyen sou eksplwatasyon karyè sab yo nan plizyè zòn nan wotè kapital la. Mezi sa a konsène zòn tankou Pèleren, Laboul, Boutiliye ak Kenskòf.
Dapre eksplikasyon otorite nan Ministè anviwònman yo bay, delè siplemantè sa a la pou pèmèt mèt karyè yo fini regle tout dokiman ak fòmalite legal yo pou yo ka an règ ak lalwa.
Desizyon sa a antre nan kad yon volonte pou pwoteje anviwònman an epi evite katastwòf nan zòn mòn sa yo ki anlè lavil la, pandan yo ap fòse operatè yo pran responsablite yo devan lalwa.
