Echojounal echojounal.net
Related Articles
Jounen 17 jwen 2026 la nan Koup dimond la te rich anpil an emosyon, ak 5 match cho nèt ki jwe nan twa peyi ki ap òganize konpetisyon an (Etazini, Meksik, ak Kanada). Soti nan gwo viktwa Otrich pou rive nan sipriz RD Kongo fè devan Pòtigal, men rezime konplè jounen an.
1. Otrich (3–1) Jòdani (Gwoup J)
Apre 28 lane lwen Koup Dimond, Otrich selebre retou li ak yon bèl viktwa (3-1) devan ekip Jòdani a ki ap dekouvri konpetisyon sa a pou premye fwa.
Bitè yo: Romano Schmid (20′), Yazan Al-Arab (76′ CSC kont ekip li a) ak Marko Arnautovic (101′ sou penalite) pou Otrich. Ali Olwan (49′) te egalize pou Jòdani.
Abit la: Dahane Beida (Moritani).
Sanksyon yo: Match la te gen anpil entansite; Stefan Posch te pran yon katon jòn pou Otrich, epi plizyè aksyon te bezwen entèvansyon VAR.
2. Pòtigal (1–1) RD Kongo (Gwoup K)
RD Kongo kreye youn nan pi gwo sipriz jounen an lè li fòse Pòtigal Cristiano Ronaldo a fè yon match nil (1-1).
Bitè yo: João Neves te louvri nòt la pou Pòtigal ak yon bèl kout tèt nan 6yèm minit, men Yoane Wissa te egalize pou Kongo nan fen premye mi-tan an (45+5′).
Abit la: Abdulrahman Al-Jassim (Kata).
Sanksyon yo: Kat (4) katon jòn te distribiye. Pou Pòtigal: Tomás Araújo ak Nélson Semedo te sanksyone nan fen match la pou anpeche kont-atak. RD Kongo te pran yon sèl katon jòn tou.
3. Angletè (4–2) Kwasi (Gwoup L)
Nan yon match espektakilè ki te sanble ak yon revanj pou demi-final 2018 la, « Three Lions » yo domine Krowasi (4-2) nan yon afè toubiyon.
Bitè yo: Harry Kane fè yon double (12′ sou penalite ak 42′), Jude Bellingham (47′) ak Marcus Rashford (85′) te make pou Angletè. Martin Baturina (36′) ak Petar Musa (45+5′) te bay Krowasi espwa.
Abit la: Clément Turpin (Lafrans).
Sanksyon yo: Abit la te gen gwo travay, li te menm fè refè penalite Harry Kane a paske gadyen kwat la te deplase anvan lè.
4. Gana (1–0) Panama (Gwoup L)
Gana rache yon viktwa enpòtan nan dènye souf match la kont Panama nan yon atmosfè ki te gen anpil tansyon.
Bitè yo: Caleb Yirenkyi te delivre ekip Afriken an nan 95yèm minit nan fen match la.
Abit la: Glenn Nyberg (Syèd).
Sanksyon yo: Te gen anpil kout sifle ak yon ti kribich apre gòl la. Gana te resevwa 1 katon jòn (16′) epi Panama te pran 2 katon jòn (72′ ak 90+9′).
5. Ouzbekistan (1–3) Kolonbi (Gwoup K)
Pou premye match li nan istwa li nan yon faza final Koup Dimond, Ouzbekistan tonbe ak onè devan yon ekip Kolonbi ki te pi eksperimante.
Bitè yo: Abbosbek Fayzullaev (60′) te make gòl istorik Ouzbekistan an. Pou Kolonbi, se Daniel Muñoz (40′), Luis Díaz (65′) ak Jaminton Campaz (90+9′) ki asire viktwa a.
Abit la: Anthony Taylor (Angletè).
Sanksyon yo: De katon jòn te bay nan match sa a: Abdukodir Khusanov (34′) pou Ouzbekistan ak Johan Mojica (7′) pou Kolonbi.
Men yon rezime rapid sou kantite fwa chak ekip ki te jwe jodi a deja patisipe nan yon faz final Koup Dimond (san nou pa bliye edisyon 2026 sa a):
Otrich: 8yèm fwa (Premye fwa depi 1998) Jòdani: 1 fwa (Premye patisipasyon istorik yo)
Pòtigal: 9yèm fwa
RD Kongo: 2yèm fwa (Yo te jwe an 1974 sou non Zaire)
Angletè: 17yèm fwa
Krowasi: 7yèm fwa
Gana: 5yèm fwa
Panama: 2yèm fwa
Ouzbekistan: 1 fwa (Premye patisipasyon istorik yo)
Kolonbi: 7yèm fwa (Retou yo aprè yo te rate 2022)
Jounen sa a mete anpil chanjman nan klasman gwoup J, K, ak L yo, sa ki anonse yon rès konpetisyon ki pral rèd anpil pou tout ekip yo.
