Echojounal echojounal.net
Related Articles
« Force de répression des gangs » (FRG) reyaji ak fèmte kont dènye rapò ki fè konnen fòs sekirite yo ap itilize grenad eksplozif ak bonbadman anlè nan kad operasyon yo ap mennen nan peyi a.
Pandan yon deklarasyon yo rann piblik, FRG kanpe dan kont akizasyon sa yo ki fè konprann ta gen frap anlè ki fèt ak elikoptè. Fòs la asire ke okenn nan inite li yo pa sèvi ak okenn kalite aparèy eksplozif nan okenn nan aksyon yo sou teren an.
FRG pran tan pou fè limyè sou pwen sa a lè li presize ke mezi sa a konsène tou kontenjan salvadoryen an ansanm ak tout aeryon ki anba komannman l. Dapre sa yo rapòte, okenn nan ekipman sa yo pa gen aparèy eksplozif ki monte sou yo.
Dapre responsabilite fòs la mete devan, tout entèvansyon yo fèt nan respè strik pou règ angajman yo, lalwa entènasyonal sou dwa moun, ak tout nòm ki gen rapò ak operasyon pou mentni lòd ak sekirite. Yo mete aksan sou sa ki konsidere kòm prensipal priyorite yo: pwoteksyon popilasyon sivil la ki rete nan sant tout aktivite yo.
