Echojounal echojounal.net
Related Articles
Sitiyasyon peyi Ayiti pral nan sant diskisyon yo nan òganizasyon Leta Ameriken yo (OEA) jodi jedi 3 septanm 2026 sa, pandan yon konsèy pèmanan enstitisyon an ap reyini.
Sekretè jeneral OEA a, Albert Ramdin, dwe fè yon deklarasyon kapital sou kriz ki ap souke peyi a. Entèvansyon sa a pase tankou twazyèm pwen nan lod dijou reyinyon an.
Pandan chita-tande sa a, Mr. Ramdin pral fè restitisyon e prezante rapò li apre misyon wo nivo li te mennen nan peyi Dayiti semèn pase a, kote li te akonpanye ak reprezantan CARICOM, Bank Entè amerikèn pou Devlopman (BID) ak lòt patnè nan rejyon an.
Apre vizit sa a ki te fèt soti 16 pou rive 19 out pase a, rapò Sekretè jeneral la ap mete aksan sou plizyè pwen stratejik pou soutni tranzisyon an nan peyi a:
Preparasyon eleksyon : teknik pou Konsèy Elektoral Pwovizwa a (KEP), ankourajman pou pwojè idantifikasyon nasyonal la (PUICA) ak kanpay sansibilizasyon sivik.
* Sekirite ak Jistis : Ranfòsman kapasite Polis Nasyonal Dayiti (PNH), sipò pou baz operasyonèl yo ak kowoperasyon pou kwape kout lajan mawon ak kourandè finansyè ilisit.
* Devlopman sosyo-ekonomik : Mobilizasyon ak enstitisyon finansyè yo (BID, CAF, Bank Mondyal) pou ede nan sèvis de baz tankou lasante ak lekol.
* Sipò entènasyonal : Chèche yon pi bon aliyman ant patnè entènasyonal yo pou ede nan fè fèy de wout otorite ayisyen yo avanse.
Prezantasyon sa a reprezante yon etap enpòtan nan diplomasi rejyonal la pou reyaji devan defi sekirite ak politik peyi d Ayiti ap rankontre kounye a.
