Echojounal echojounal.net
Related Articles
Nan kad katriyèm jounen faz Europa League la, jounen jedi 5 novanm 2026 sa a, Ferencváros mete do AC Milan atè (0-2) sou teren San Siro a. Gwo atou nan viktwa sa a se atakan entènasyonal ayisyen an, Lenny Joseph, ki make tou de gòl match la.
Devan yon ekip milanè ki te ap chèche enpoze jwèt li lakay li, premye mitan an te fini sou yon eskò nil (0-0). Men, dezyèm mitan an ta pral tounen yon powèm pou Lenny Joseph.
* 52e minit : Sou yon aksyon byen enspire, atakan ayisyen an jwenn espas epi voye balon an nan filè pou pèmèt Ferencváros pran avantaj (1-0).
* 66e minit : Lè tout defans Milan an te ap eseye reyaji, Lenny Joseph retounen fò nan zòn verite a pou li mete dezyèm gòl li ak dezyèm gòl ekip la (2-0).
Apre leson an, yo te ranplase Lenny Joseph nan 67yèm minit pou li te ka resevwa aplodisman. Malgre yon kat wouj Bamidele Yusuf te pran nan 77yèm minit, klèb ongwa a te kenbe avantaj li jiska siflè final la.
Avèk siksè sa a, Ferencváros konsève yon pakou san fot nan konpetisyon an ak 4 viktwa nan 4 match, pandan Lenny Joseph make anprent li sou sèn Ewopeyen an.
