Nan lide pou tout moun ka jwenn jistis ak goumen kont detansyon prevantiv pwolonje nan peyi a, administrasyon Moïse- Joseph mete sou pye konsèy nasyonal asistans legal._
Nan peyi Dayiti, toupatou gen inegalite sosyal, epi se moun « zafè pa bon » ki plis viktim. » Konsèy nasyonal asistans legal la se yon nouvo depa, yon solèy ki fèk leve pou moun yo toujou bliye yo nan peyi a », deklare Jovenel Moïse.
Prezidan repiblik la, Jovenel Moïse fè konnen avèk enstalasyon konsèy nasyonal asistans legal la se yon « pòt ki louvri pou moun k ap peri nan prizon paske yo se pitit sòyèt ». Ansyen patwon agritans lan pa kache satisfaksyon li « CNAL » la se yon ak byenveyans jidisyè.
N ap raple, alòske sistèm jistis la potko an grèv, dènye rapò BINUH te fè sou koze detansyon prevantiv pwolonje a an Ayiti, li te souliye soti mwa Jwen 2020 pou rive Mas 2021 detansyon prevantiv pwolonje a ogmante rive nan rive 9%.
Jackson junior Rinvil